Një familje në Wuhan ishte shtruar për drekë kur zbuloi në ennën me supë, të cilën e porositën në një restorant, një lakuriq të tërë të ngordhur.
Ata së pari i kërkuan restorantit një shpjegim dhe më pas vrapuan për t’u testuar për koronavirus. Problemi është se ata tashmë kanë ngrënë supën.
Përkatësisht, media lokale raportoi se familja Chen bleu drekë në një restorant afër shtëpisë së tyre më 10 korrik.
Babai hëngri ca supë, por nuk vuri re asgjë.
Siç raporton edhe televizioni Hubei, në ditën e tretë pas blerjes, ata donin të ngrohnin supën dhe të hanin pjesën tjetër, dhe të tjerë anëtarë të familjes u tmerruan kur gjetën lakuriqin.
Ai madje kishte lesh.
Ata theksuan se e blenë produktin e ngrirë nga një prodhues lokal i supave, shkruan Daily Mail.
Pronari i kompanisë ushqimore mohoi që lakuriqi të hynte në supë ndërsa po e përgatisnin.
“Lakuriqët janë aktivë gjatë natës, ndërsa me bëjmë supa gjatë ditës. Ne e vulosim enën sapo të kemi përfunduar dhe e vendosim në frigorifer. Asnjëherë nuk e lëmë jashtë”, tha ai.
Ai pretendon se lakuriqi i zi fluturoi në tenxhere kur familja hapi ushqimin.
Autoritetet lokale filluan një hetim pas marrjes së ankesës. Sidoqoftë, ata nuk ishin në gjendje të zbulonin se si dhe kur lakuriqi hyri në supë duke pasur parasysh që u gjet tre ditë pas blerjes.
Megjithatë, prodhuesi i supave tha se ishte i gatshëm të paguante 250 euro dëmshpërblim për familjen, e cila, për fat të mirë, rezultoi negative pas testeve.
Kujtojmë se një lloj i ri koronavirus, i cili shkakton infeksion COVID-19 dhe deri më tani ka qenë fatale për 636.789 njerëz (sipas të fundit nga Ëorldometers), u shfaq pikërisht në Wuhan. Mendohet se kanë origjinë nga kafshët e egra, ku veçojnë lakuriqët. /tesheshi.com/
