Baseli ka fituar derbin zvicerian ndaj Zurich (3:1), me protagonist sulmuesin e Kombëtares Shqiptare, Shkëlzen Gashi. Një gol i Gashit i ka dhënë epërsinë kampionëve në fuqi në minutën e 71 derisa rezultati qëndronte i barazpeshuar.
Gashi pasi kaloi një futbollist me mjeshtëri, gjuan në këndin e poshtëm të portierit Brecher dhe e detyron atë të nxjerrë topin nga rrjeta. Pas disa minutash ai u zëvendësu nga Nenny, ndërkohë që futbollisti tjetër i Kombëtares kuq e zi, Taulant Xhaka, ishte i plotë në fitoren e Baselit për 90 minuta.
I plotë qe edhe Berat Xhimshiti, por ai me skuadrën e tij Zurich u detyruan të dorëzoheshin para kampionëve zvicerian. Shqiptari tjetër, Armando Sadiku. u fut në lojë në minutn e 74 në vend të Chermitis, por pa lënë gjurmë në fushën e lojës.
Gjithsesi me rëndësi është forma e mirë e Shkëlzen Gashit që realizon një gol të mirë në prag të ndeshjeve vendimtare që Kombërja Shqiptare i zhvillon ndaj Danimarkës më 4 shtator dhe ndaj Portugalisë më datën 7.
Shijojeni golin e Gashit: https://www.youtube.com/ëatch?v=GVSoysALGn8
/tesheshi.com/
