Sulmuesi i kombëtares shqiptare ka zgjedhur Amerikën si vendin ku do ta vazhdojë karrierën. Colorado Rapids është skuadra e tij e re pas aventurës tek kampionët zvicerianë të Basel-it.
“I falënderoj të gjitha ish-skuadrat e mia, pasi ato më kanë ndihmuar shumë. Ndjehem krenar që jam këtu, pasi ky është një hap tjetër në karrierën time, një sfidë e re. Ju faleminderit të gjithëve,” tha Gashi gjatë një interviste për faqen zyrtare të Colorado Rapids-it.
Tashmë futbollisti i përfaqësueses kuqezi do të luajë në MLS, ku luajnë edhe yje të klasit botëror, si Pirlo, Lampard, Kaka, e shumë të tjerë. /tesheshi.com/
