Paul “Gazza” Gascoigne rikthehet në fushën e futbollit, “jo tapë”. Për këdo tjetër, cilësimi nuk do të kishte kuptim, por për një legjendë futbolli që “hodhi tej” reputacionin, duke kaluar sa nga një qendër diz-alkoolizimi në tjetrën, është lajm ta shohësh “normal” në fushën e blertë.
Gascoigne ka luajtur në një ndeshje bamirësie të legjendave të Neecastle, për nder të portierit Pavel Srnicek, të ndarë nga jeta 2 vjet më pare. Gazza që kurohet prej 7 muajsh për varësinë ndaj alkoolit është dukur në formë, si 50-vjeçar që është.
Ai ka luajtur përkrah legjendave të tjera, si Beardsley, Peackok, Gillespie, Harper e Howie, duke shënuar edhe gol, e duke nxitur si gjithnjë shokët.
Tifozët e kanë duartrokitur gjatë ish-idhullin e tyre, sepse kanë dashur gjithnjë ta shohin të gjallë, pa alkool, pa skandale, pa vraga në fytyrë…e mbi të gjitha, duke iu gëzuar si fëmijë golit. /tesheshi.com/
