Ish-futbollisti i njohur i Anglisë, Gary Lineker është sulmuar nga disa zyrtarë të lartë izraelitë dhe mbështetës të Izraelit në Twitter, pas postimit të një videoje që tregon fëmijët palestinezë të mbajtur në një kafaz të vogël nga forcat izraelite.
Videoja, e postuar nga grupi i të drejtave të njeriut B’selem, tregon ushtarët izraelitë duke grumbulluar dhe mbajtur dhunshëm nën arrest fëmijë palestinezë në Hebron, në Bregun Perëndimor, me datën 13 tetor.
Lineker, i cili është prezantues në një emision sportiv të BBC-së ‘Match of the Day’, ndau videon me komentin “e pështirë”, siç u quajt.
Pas cicërrimës së tij, në adresë të Gery Lineker filluan të vërshojnë kritika të ashpra nga mbështetës të Izraelit. Një prej tyre, ish-zëdhënësi i ushtrisë izraelite, Peter Lerner, komentoi se Lineker kishte “humbur plotësisht logjikën “, në çfarë ky i fundit ia ktheu: “Ata (fëmijë) duhet të mbushin një kafaz të vogël? Ju duhet të jeni më i mençur!”
Sipas AFP, janë rreth 6,500 palestinezë aktualisht të ndaluar nga Izraeli për një sërë veprash, si dhe 1,100 të burgosur politikë, sipas grupeve të të drejtave.
Ndërsa mbështetësit e Izraelit sulmuan Lineker për cicërimën, të tjerët shprehën mbështetje për dënimin prej tij të dhunës së përdorur.
Kjo nuk është hera e parë që Lineker është vënë nën zjarr në Twitter pasi ka postuar përmbajtje pro-palestineze. Në vitin 2015, Lineker u sulmua për postimin e një videoje nga Electronic Intifada, duke treguar ushtarët izraelitë që qëlluan një palestinez që kishte hedhur gurë. /tesheshi.com/
Ja videoja e postuar nga Gery Lineker:
