Të kënaqur nga puna e trajnerit të përkohshëm të Anglisë, drejtuesit e futbollit të këtij vendi kanë vendosur që ta zgjasin bashkëpunimin me të.
Gareth Southgate, ish-trajneri i Anglisë për moshat nën 21 vjeç, do të nënshkruajë sot një kontratë katërvjeçare me përfaqësuesen.
Ai u intervistua javën e shkuar nga një panel me pesë persona, dhe vendimi për emërimin e tij do të marrë miratimin në një takim të bordit të Federatës Angleze të Futbollit.
Tekniku 46-vjeçar u ul përkohësisht në stolin e Anglisë pas largimit në fund të shtatorit të Sam Allardyce-it.
Me të në stol, Anglia fitoi në eliminatoret për Botërorin ndaj Maltës dhe Skocisë, si dhe barazoi me Slloveninë. Një barazim 2-2 u regjistrua dhe në miqësoren me Spanjën. /tesheshi.com/
