Komandanti i Gardës Kombëtare të Shteteve të Bashkuara, Daniel Hakonson, tha se 12 roje u pezulluan nga detyrat e tyre në prag të inagurimit të Joe Biden, pasi u zbulua se kishin lidhje me grupe të ekstremit të djathtë.
Gjenerali Hakonson u tha gazetarëve në Pentagon se dy rojet kishin zbuluar pikëpamjet e tyre radikale të djathta përmes mediave sociale.
“Lidhja me elementët radikalë për dhjetë roje të tjera është vendosur nga agjentët e FBI,” tha Hakonson, duke shtuar se këta ushtarë nuk do të shërbejnë gjatë ceremonisë së inaugurimit.
Sekretari i Përkohshëm i Mbrojtjes Christopher Miller, njoftoi dje se të gjithë prej 25,000 anëtarë të Gardës Kombëtare do t’i nënshtrohen kontrolleve të sigurisë, të cilat do të sigurojnë inaurugimin e presidentit të sapozgjedhur amerikan të mërkurën.
Departamenti i Mbrojtjes, FBI dhe agjencitë e tjera të sigurisë amerikane po kryejnë përgatitjet në Uashington me kujdesin më të madh përpara inaugurimit të Biden dhe Kamala Harris.
Inaugurimi në Uashington do të sigurohet nga 25,000 roje të armatosur dhe masat e sigurisë janë shtuar më tej nga trazirat që shpërthyen në ndërtesën e Kongresit në 6 Janar pas një inkursioni nga mbështetësit e Presidentit në largim Donald Trump. Pesë vetë u vranë në trazira.
Komplekset e Kongresit dhe Shtëpisë së Bardhë aktualisht duken si një qendër e militarizuar urbane brenda së cilës po përgatitet ceremonia. I gjithë kompleksi është i rrethuar nga barriera, përfshirë ndërtesën e Gjykatës Supreme. /tesheshi.com/
