Polonia deri më tani ka forcuar rreth 60 kilometra të kufirit me Bjellorusinë me një gardh të përhershëm, njoftoi roja kufitare polake.
Punimet po shkojnë sipas planit dhe pritet të përfundojnë në fund të qershorit, tha për agjencinë e lajmeve PAP një zëdhënëse e rojes kufitare.
Kufiri polak me Bjellorusinë është 418 kilometra i gjatë, nga të cilat 186 kilometra është kufiri tokësor. Në fund të verës dhe vjeshtës së vitit të kaluar, situata atje u përshkallëzua pasi mijëra njerëz u përpoqën të hynin ilegalisht në BE.
BE-ja akuzon presidentin bjellorus, Aleksandër Lukashenko për sjelljen e qëllimshme të emigrantëve nga zonat e krizës për të ushtruar presion ndaj saj.
Numri i tentativave të paligjshme për të kaluar kufirin është rritur javët e fundit me ardhjen e ditëve të ngrohta.
Të premten, 76 persona kanë tentuar të kalojnë kufirin, sipas rojeve kufitare.
Ushtarët kanë ngritur tashmë një gardh të përkohshëm në fund të gushtit. Është një tel me gjemba 2.5 metra i lartë.
Nga fundi i janarit, gardhi do të zëvendësohet nga një gardh i përhershëm 5.5 metra i lartë me kamera. Projekti kushton 366 milionë euro. /tesheshi.com/
