Nga Blendi Gashi
Një marrëveshje e bërë para zgjedhjeve parlamentare të 11 qershorit mes Kadri Veselit e Nuerdin Lushtakut, që ky i fundit të mos jetë pjesë e listës për deputet nga PDK, por të jetë si i nominuar për kryetar të Skenderajt, mund të sjellë thyerjen e kësaj partie në bastionin e saj në Drenicë.
E gjitha kjo pasi që në garë për kreun e kësaj komune ka shprehur ambicie për të kandiduar edhe kreu aktual Sami Lushtaku i cili po e dëshiron edhe një mandat.
Dhe nëse Veseli vendos për Samiun e jo Nuredinin, ky veprim i tij do ta “detyroi” t’i hyjë politikës edhe Bekim Jashari, djali i heroit të kombit, Hamëz Jasharit.
Bekimi e ka bërë të qartë se nëse Veseli e “tradhëton” Nuredinin, atëherë mund t’i futet garës për kryetar të këtij qyteti si kandidat i pavarur.
Kurse Nuredin Lushtaku ka thënë se nëse ai nuk do jetë kandidat do ta mbështes secilin kandidat të pavarur që futet në garë për Skënderajn, por jo atë që propozon PDK-ja, këtë rast Samiun .
Pavarësisht këtyre deklarimeve Samiu mohon që në degën e PDK-së ka përçarje për çka thotë se do vendos kryesia e partisë për kandidatin.
Nëse ky i fundit nuk tërheqet nga gara, Veseli do të gjendet mes dy zjarresh. Pra do t’i duhet të vendos nëse e mbështet kërkesën e familjes Jashari dhe të mbajë fjalën që i ka dhënë Nuredinit apo do t’i tradhëtoi për Samiun.
Kështu Veseli padyshim se gjendet në sfidën më të madhe që nga emërimi në postin e kreut të PDK-së pasi që përkrahja për Samiun automatikisht do nënkuptonte prishje e raporteve me familjen heroike Jashari, për çka mund t’i sjellë pasoja të mëtejme në ecjen politike.
A do përçahet PDK-ja edhe në Skenderaj?
Edhe pse Samiu e përjashton se nuk ka përçarje në degën e PDK-së në Skenderaj, vet deklarata e Nuredinit se nëse nuk kandidohet për kreun e kësaj komune do e mbështes një kandidat tjetër që nënkupton Bekim Jasharin si të pavarur përveç se e përçan thellësisht këtë parti e çon edhe drejt humbjes së këtij bastioni.
Andaj veprimi i Veselit do të jetë jetik për disa arsye: do të tregoi nga do ec PDK, a do përçahet thellësisht, raportet e mëtejme me familjen Jashari dhe humbjen eventuale të kësaj komune pas 17 vitesh qeverisje dhe dobësimi i figurës së tij në Drenicë.
Këto do mësohen pasi të merret vendimi se kush do jetë kandidati i PDK-së për Skenderajn.
Dhe padyshimi lëshimi pe nga Sami Lushtaku mund ta nxjerrë faqebardhë Kadriun të paktën në Skenderaj pasi në Drenas nuk ka mundur t’i menaxhojë pakënaqësitë mes kandidatëve që kanë synuar të jenë të nominuar të PDK-së për kreytar për çka në zgjedhjet e parakohshme u dëshmua se kjo parti humbi përkrahje jo të vogël nga drenicakët. /tesheshi.com/
