Nga Blendi Gashi
Pa një kryetar aktiv në teren dhe aktivitete politike, por që deklarohet vetëm përmes postimeve në rrjetet sociale për shkak të gjendjes së shëndetësore, me kërkesën për zgjedhje të reja parlamentare si dhe daljen e parë të zërave që synojnë të bëhen kandidat për kryeministër e kryetar të partisë, LDK-ja që aktualisht drejtohet nga Isa Mustafa mbetet subjekti më i komentuar nga mediat për rrugën që e pret, pasi ky i fundit sic duket përfundimisht do lëshoi rrugë.
E kjo ka shtuar apetitet e shumë njerëzve brenda partisë për pozitat në fjalë, duke nisur nga dy nënkryetarët Lutfi Haziri e Agim Veliu që kanë lënë të hapur mundësinë për të zënë vendin e Mustafës, kurse Gazmend Muhaxheri kreu actual i Pejës haptas ka deklaruar se është kandidati më i mire për të garuar për kryeministër nga partia e tij.
Përkundër tashmë synimeve publike për karrigen e pushtetit, zyrtarët e LDK-së shprehen të bindur se do ecin së bashku drejt fitores në zgjedhjet e ardhshme parlametnare, pra rikthimit të LDK-së në pushtet.
Kjo është e mundur vetëm nëse nuk do ketë një përplasje mes grupeve të krijuara, të “vjetërve” nënkryetarëve Lutfi Hazirit e Agim Veliut, më pas krahut që mbështetet nga Mustafa, të prirë nga Avdullah Hoti që në zgjedhjet e fundit e bëri kandidat për kryeministër, pa harruar edhe kritiken Vjosa Osmani që duket s’është pjesë e asnjërit krahë por që ka një popullaritet të madh brenda strukturave të LDK-së dhe ka gjasa të kandidoi për kryetare, si dhe ish-kreun e partisë, Fatmir Sejdiu i cili asnjëherë nuk e ka fshehur dëshirën se dëshiron të rikthehet në postin e kryetarit. Këta dy të fundit mund edhe ta përkrahin njëri-tjetrit, pasi raportohet se ruajnë raporte të mira mes vete, pasi Osmani ishte këshilltare në presidencë sa Sejdiu udhëhiqte shtetin.
Një gjë tashmë është e qartë nëse Mustafa nuk arrinë të mbajë të unifikuar grupet e krijuara dhe nuk gjendet ndonjë konsensus të përbashkët mes të lartcekurve qoftë për kandidatin për kryeministër apo kryetar partie, LDK do jetë para një sfide të madhe ku mund të plas një mosmarrëveshje e re për karrige e që pashmangshëm do t’i sjellë dëme të riparueshme dhe sigurisht do t’ia humb shpresat për rikthimin në pushtet.
Megjithatë një pasqyrë më të qartë se c’mund të ndodh, pritet të japin Avdullah Hoti e Vjosa Osmani pasi të deklarohen nëse synojnë të jenë kandidat për kryeministër dhe nëse do garojnë për kreun e partisë apo jo, pa harruar për pozitën e fundit edhe Fatmir Sejdiun.
Kandidimi eventual edhe i këtyre të treve për kryetar partie, përvec Lutfi Hazirit e Agim Veliu duke lënë të hapur edhe kandidaturën e Gazmend Muhaxherit, sigurisht se do të jetë një garë tejet të ashpër se kush do jetë pasardhës i Mustafës.
Ky i fundit kthye në Prishtinë pas disa mujash trajtimi shëndetësorë në Gjermani dhe po vazhdon rehabilitimin shëndetësor në shtëpi. Përkundër gjendjes shëndetësore ai ka vendosur që të cojë deri në fund mandatin në krye të LDK-së.
LDK, sipas statutit të saj mban zgjedhjet çdo katër vjet, dhe të radhës do t’i mbaj në muajin maj të 2019-tës, pra pas një viti. /teheshi.com/
