Eduart Selami ka kontestuar garën për kreun e PD-së, duke e konsideruar atë si të padrejtë. Në takimet e kësaj të shtune në Durrës, Shijat e Rrogozhinë, ai ka hedhur insinuata ndaj rivalit Basha, duke qëndruar në një linjë me ata që kërkuan e vazhdojnë të kërkojnë dorëheqjen e tij dhe jo vetëngrirjen apo rikandidimin.
“Gara nuk është e përsosur. Hajde të fusim një nen në statut për herët e tjera që nëse kryetari i partisë nuk fiton, jep dorëheqje dhe nuk kandidon atë radhë për kryetar partie, që të shmangen këto gjëra. Nuk mund të jetë njëri me këpucë, tjetri zbath, njëri kryetar në detyrë me eskortë, ndërsa unë me një shofer që nuk di rrugët”, tha Selami.
Të njëjtën gjë po konteston dhe Patozi, i cili ka ndërrmarrë një lëvizje anti-Basha brenda PD-së, duke u takuar me strukturat e kësaj partie në rrethe. Ai, nga Vlora deklaroi së fundi se Basha duhej të ndiqte shembullin e Berishës në 2013-ën, ku të jepte dorëheqjen, edhe për faktin se humbi më thellë se kryetari historik në këto zgjedhje. /tesheshi.com/
