Kreu i vetëngrirë demokrat, Lulzim Basha e ka shpallur si të dëshuar marrëveshjen e 18 majit me kreun e mazhorancës, Edi Rama.
Duke i mëshuar faktit se zgjedhjet u blenë, tezë kryesore e tij në fushatën për rimarrjen e PD-së, Basha gjatë takimeve në Kukës, Has e Tropojë se me të ka vetëm një rrugë: përballje me Ramën për ta rrëzuar.
“Marrëveshja e 18 majit na diktoi provën nën presionin ndërkombëtar, me Edi Ramën kryeministër prova dështoi. Ajo që ne kishim thënë u provua. Nuk ka zgjedhje me Edi Ramën kryeministër, ai është armik i zgjedhjeve të lira e të ndershme. Kur flas për përballje totale, për zgjedhje të lira e të ndershme, sigurisht që s’ka asnjë shans bashkëpunimi politik apo koalicioni me Edi Ramën. I vetmi shans është përballja dhe fitorja përmes përballjes”, tha Basha, edhe për faktin se nga rivali i tij Selami, por kundërshtarë të tjerë brenda PD-së, po sulmohet për marrëveshjen e 18 majit.
Nga ana tjetër, Selami i ka mëshuar një tjetër pike të dobët të demokratëve: izolimin ndërkombëtar.
“Të rikthejmë besimin me partnerët tanë ndërkombëtarë që sot nuk e kemi. Me përjashtim të vitit ‘97, lidershipi i PD sot është më i izoluar se kurrë me partnerët tanë ndërkombëtarë. Na dolën kundër në mënyrën më flagrante për shkak të gabimeve tona”, tha Selami. /tesheshi.com/
