Drejtuesit e disa kompanive farmaceutike garantuan se do t’i përmbahen standardeve të sigurisë në garën për të zhvilluar një vaksinë kundër infeksionit COVID-19, pavarësisht nga presioni dhe nxitimi.
“Ne nuk do të kapërcejmë asgjë”, premtoi CEO i Pfizer, Alber Bourla, në një konferencë video me gazetarët.
“Ne nuk do të sakrifikojmë sigurinë me asnjë kusht”, shtoi Kenneth Frazier, CEO i Merck.
Zyrtarët folën në një konferencë shtypi të Federatës Ndërkombëtare të Industrisë Farmaceutike (IFPMA).
Ekziston shqetësimi në të gjithë botën se politizimi i shkencës mund të rezultojë në një vaksinë të miratuar para kohe për përfitime politike.
Kompania farmaceutike amerikane Pfizer duhet të dijë në tetor nëse vaksina e saj e koronavirusit funksionon, zbuloi Bourla, e cila hap mundësinë që ajo të bëhet tema e fushatave politike përpara zgjedhjeve presidenciale të SHBA më 3 nëntor.
Gara e zhvillimit të vaksinave me Moderna, AstraZeneca Plc, Johnson & Johnson, Sanofi dhe kompani ruse dhe kineze po zhvillohet përpara zgjedhjeve presidenciale të SHBA, në të cilat Donald Trump po kërkon një mandat të ri në Shtëpinë e Bardhë, kështu që ai ka caktuar miliarda dollarë federalë për zhvillimin e tyre. /tesheshi.com/
