Në një takim të radhës me anëtarësinë e PD-së, kreu i saj Basha ka shfaqur prirjen për t’u fokusuar në garën e brendshme, pasi më 13 qershor do synojë sërish kreun e partisë duke patur përballë tre rivalë, ku më i forti është Agron Shehaj.
“Një moment i cili është një moment reflektimi, i pari por jo i vetmi, moment vendimmarrje më 13 qershor, për mua më i rëndësishmi një moment ringritje, bashkimi dhe vazhdimi të betejës”, tha Basha në Korçë.
“E vetmja gjë që nuk mund të pranoj dhe që nuk do ta pranoj ndërkohë që investohej për këtë bashkim, duhet të investohem jo thjesht si kandidat, jo thjesht për formimin dhe kulturën se në nuk po njihemi sot dhe as këto 8 vite që kam drejtuar Partinë Demokratike falë besimit tuaj, kemi kohë që njihemi drejtpërdrejt dhe përmes medias dhe as vetëm me përgjegjësinë e kryetarit në detyrë që minimum që duhet të bëj është të garantoj që gara të ketë mbarëvajtje demokratike dhe të dalim të bashkuar.
Por dhe për një arsye shumë më madhore e kërkoj. E kërkoj sepse askush nuk ka të drejtë për kurrfarë arsyeje te hedhë poshtë atë që kemi ndërtuar së bashku deri më sot.
Askush! As unë, as kandidatët e tjerë dhe askush.
Qejfmbetur apo jo, me të drejtë apo jo, nuk mund të hedhë poshtë sakrificën e qindra, mijëra demokratëve të Devollit dhe të Korçës dhe të gjithë Shqipërisë”, arsyetoi Basha. /tesheshi.com/
