Garën për ta rifituar kreun e PD-së pas vetëngrirjes, Lulzim Basha duket se po e bazon tek denoncimi i asaj që e konsideron shit-blerje e votës më 25 qershor. Sipas tij, kështu ka ndodhur, dhe se me të në krye të opozitës, Shqipërinë e pret një tjetër fat.
“Qeveria që e trajton si plaçkë Shqipërinë, bëri gjithçka që kishte në dorë për të penguar këtë projekt përmes shit-blerjes së votës me paratë e drogës dhe të krimit, përmes angazhimit të bandave…”
“Projekti im për Shqipërinë është një qeveri për qytetarët, që të kenë mundësi të jetojnë me dinjitet në shtëpinë e tyre, pa shkuar azilantë, të kenë mundësi të gjejnë punë, të kenë mundësi të jetojnë pa frikë nga pushtetarët dhe nga të fortët, të kenë mundësi të zgjedhin të lirë, të votojnë të lirë qeverinë që duan…”
“Vij t’ju kërkoj që të vazhdojmë betejën, por nga ana tjetër nuk vij t’ju kërkoj asnjë favor, asnjë privilegj, asnjë kolltuk. Vij t’ju kërkoj të vazhdoj sakrificën time personale që e bëj me dëshirën më të madhe nga thellësia e shpirtit, për të vazhduar për të luftuar në këtë betejë pa kthim me ju dhe për ju, për gjithë demokratët dhe shqiptarët për zgjedhje të lira dhe të ndershme…”, u tha Basha demokratëve në Burrel e Dibër.
Kjo ndodh ndërsa kundështarët e Bashës e kritikojnë atë për paktin e lidhu me Edi Ramën. /tesheshi.com/
