Nga Ahmet Zani
Gani Ferra e ka nda mendjen që t’i mëshojë drurit për të siguruar jetesën. Sepse ajo është dhe puna më e mirë që mund të bëjë ai. Kështu, prej 20 vjetësh ai del çdo ditë në anë të rrugës nacionale, në afërsi të Mamurrasit, për të tregtuar prodhimet e tij të dorës, dalë nga gdhendja e drurit.
Është një zanat që ia kanë lënë të parët. E ka trashëguar pra prej tyre dhe, me këtë lloj fati, e vijon jetën duke qenë mishërim i thënies popullore, të vlefshme në çdo kohë: “Lum kush e ka një zanat”. Kjo pasi përveçse e ushqen, atë dhe familjen, ia ruan dhe dinjitetin derisa nuk e ka të nevojshme t’i lutet e t’i shtrijë dorën ndokujt për ndonjë vend pune. Dorën është pak, nderin thuaj.
Ai ka përfituar dhe nga fakti se aty ku ai nxjerr prodhimet, kalon klientela e duhur: Kosovarë po e po, ata që shumë janë të dhënë pas traditës, por dhe përgjithësisht banorë të veriut, të cilët e kanë drurin pjesë të padashme të jetës së tyre, kuptimin të saj, sidomos kur është fjala për gjëra tradicionale.
Do gjesh tek ai çifteli, sofra buke, pjata e lugë, vegla bujqësore, etj. Thotë se të gjitha preferohen, por sidomos sofrat. Sipas tij, ajo blihet dhe për kënaqësi tradite, por dhe për nevojë. Kështu, ne zbulojmë faktin se ende, në malësinë e Shqipërisë hahet në sofër.
Patjetër që blihen dhe çiftelitë, që po ashtu shërbejnë edhe për të zbukuruar ambientet e shtëpive, por dhe për t’ja marrë ndonjë kënge nën tingujt e saj të dalë prej dy telave.
Ndër të preferuarat janë dhe punimet e drurit me simbile kombëtare, si fjala vjen shqiponjat, që këto kohë afshesh atdhetare me shkuarjen e Shqipërisë në eurpianin e futbollt, janë bërë dhe më të kërkuara.
Por ato mbeten të tilla, siç thotë Ganiu, dhe nga fakti se shërbejnë shumë për dhurata mes dy anëve të kufirit, ku shqiptari shqiptarit preferon t’ia kënaq zemrën me një simbiol kombëtar.
Kështu pra rrjedh jeta e Gani Ferrës prej Mamurrasi, sa në mal duke mbledhur dru, e sa në fushë duke treguar prodhimet e drurit.
Por kësaj, ai mund t’i vijnë në ndihmë kryeministrir Rama si një tregues faktit i ligjësisë së promovuar prej tij që po pati specialistë, padyshim që ka dhe punë. Në të kundërt, punë nuk ka. /tesheshi.com/
