Një restorant në qendër të Pragës ofron një ëmbëlsirë (tortë) në formën koronavirusit COVID-19, i cili tashmë është bërë hit, dhe drejtuesit shpresojnë se kjo do t’i ndihmojë në mosrënien e biznesit.
Restoranti “Black Madonna” ishte zakonisht plot turistë që admironin brendësinë e tij kubiste, por për shkak të pandemisë numri i tyre ra ndjeshëm ndërsa Republika Çeke luftonte me një nga nivelet më të larta të infeksioneve në Evropë.
Krijuesja e ëmbëlsirave Olga Budnik tha se ajo e mori idenë gjatë karantinës në pranverë.
“Gjeta një foto të virusit në internet dhe kuptova me hollësi se si të bëja ëmbëlsirë – si të bëja thumba, cila do të jetë ngjyra dhe i përgatita të gjitha,” i tha ajo Reuters.
Embëlsira është pak më e vogël se një top tenisi, ka një kore çokollate dhe “pikat” e virusit bëhen nga çokollata e bardhë dhe mjedrat e thata.
Brenda është krem fëstëkësh me pure mjedre dhe mjedra në mes. Kjo delikatesë ka arritur një sukses të madh, pasi sheten më shumë se 100 copë në ditë dhe numri vazhdon të rritet.
“Kriza e koronës do të thoshte një rënie të madhe të xhiros për ne …”, tha menaxheri Vojtech Hermanek.
“Në të njëjtën kohë, ishte një mundësi për të ofruar një tortë në formën e koronavirusit, i cili është një simbol … dhe tregon se gjithçka nuk ka humbur.”
Budnik, një grua ukrainase që jeton në Pragë gjashtë vitet e fundit, tashmë po konsideron një ëmbëlsirë të re me temën e vaksinës COVID, e cila duhet të ketë shije si agrume dhe likeri. /tesheshi.com/
