Institucioni më i lartë i futbollit në botë, në mënyrë të pakujdesshme ka lejuar që tu rrëshqasë
nga duart lajmi se, Lionel Messi, është fitues i “Topit të Artë. Megjithatë, lajmi është mohuar menjëherë nga drejtuesit e FIFA-s, të cilët insistojnë se ai lajm ishte i vjetër dhe ishte duke u përpunuar.
Mediat sociale kanë eksploduar pas publikimit në mënyrë aksidentale të lajmit për fituesin e “Topit të Artë”, pesë ditë para mbajtjes së gala mbrëmjes, me emrin e Lionel Mess-it, që u paraqit në dokument, që dukej si një dokument i rrallë zyrtar.
Lajmi rrodhi në Twitter nga llogaria e gazetarit holandez, Michael Abbink, i cili shkruan për NU Sport, që bëri publik një dokument, ku thuhej se Messi është fitues i “Topit të Artë” dhe gjermania, Celica Sasic, fituesja e “Topit të Artë”, në konkurrencën e femrave.
Për fat të mirë të fansave të Cristiano Ronaldos, dhe Neymarit, dy kandidatët e tjerë për të fituar çmimin më të rëndësishëm individual, duket të jetë një alarm i rrejshëm. Dokumenti që qarkullon shihet të jetë i nëntorit të vitit 2015.
Lajmërimi është zgjedhur nga Voetbal Primeur, e cila deklaroi se dokumenti ishte marrë nga European Sports Media (ESM), e cila rregullisht organizon ceremonitë e shpërblimeve.
Por ESM më vonë largoi fotografinë nga ueb faqja e tyre dhe lëshoi një deklaratë sqaruese:
“Për shkak të një problemi teknik në transmetim, Lionel Messi dhe Celia Sasic ishin në listën e fituesve të “Topit të Artë”, për vitin 2015.
Aktualisht, ata fituan çmimet “UEFA Best Player in Europe 2015”, respektivisht “UEFA Best Women’s Player in Europe 2015”. Ju kërkojm ndjesë për këtë gabim”./tesheshi.com/
