Ndoshta për herë të parë, nga goja e një njeriu del shprehja “mallkim nga djalli”, duke qenë se ç’prej sa ekziston jeta në tokë me njeriun në qendër, mallkimi i është atribuuar Zotit e jo djallit.
Nga gafë e natyrës teologjike ka ardhur nga deputeti i Lëvizjes Vetëvendosje, Ali Lajçi. “Nëse dikush e voton marrëveshjen e Demarkacionit si të tillë, atëherë do ta mallkojë djalli. Do ta mallkojë historia”, ka thënë Lajçi, në tryezë me temën “Shënimi i kufirit me Malin e Zi – Korrektimi para ratifikimit”, organizuar nga Lëvizja Vetëvendosje.
Ai shtoi se “territori i Republikës së Kosovës po rrudhet në mënyrë drastike”.
Ndërsa kryevetëvendosësi Albin Kurti tha se po tentohet të bëhet gabim në hapa, duke e ratifikuar fillimisht Demarkacionin e më pas të bëhet korrigjimi i vijës kufitare.
Në këtë konferencë morën pjesë vetëm disa nga deputetët e krahut Kurti dhe disa përfaqësues të shoqërisë civile, por jo nga ata të cilët kanë dhënë dorëheqje nga strukturat drejtuese të Vetëvendosjes. /tesheshi.com/
