Portieri i Bayern-it, Sven Ulreich, kërkoi falje pasi gabimi i tij i kushtueshëm i pamundësoi ekpit finalen Champions në përballje me Realin
Ndeshja isha në barazim 1-1 kur një gabim foshnjarak i Ulreich, i dha mundësinë Benzema që ta çojë topin lehtësisht në rrjetë
“Fjalët nuk mund të përshkruajnë se sa i zhgënjyer jam për largimin nga Champions League. Me të vërtetë donim të arrijmë në finale dhe dhamë më të mirën, por më pas ndodhi një gabim i panevojshëm. Unë nuk mund ta shpjegoj. Më vjen keq për ekipin tim dhe për ju fansa”, shkruante Ulreich në Instagram.
Dhe reagimet kanë qenë menjëherë mbështetëse, si nga kolegët e si nga fansat.
“Ju keni shpëtuar shumë herë ekipin tonë, Ulle”, u përgjigj Javi Martinez.
“Udhëtojmë! Fitojmë së bashku, humbim së bashku”, tha mbrojtësi Jerome Boateng, i cili e humbi ndeshjen për shkak të një lëndimi.
“Ne jemi një ekip”, shkroi mesfushori kolumbian James Rodriguez.
Ulreich ka qenë portieri i parë i Bayernit që kur kapiteni i Gjermanisë Manuel Neuer u dëmtua shtatorin e kaluar. /tesheshi.com/
