Një gafë që do të hyjë në historinë e Asambleve të Përgjithshme të OKB-së, ka bërë presidenti kalimtar i Haitit, Edgard LeBlanc Phils, i cili në vend që të pinte ujë nga gota e dedikuar për folësit në podium, piu nga një broke e lënë aty për të mbushur gotën.
Siç shihet në videon që është bërë virale, politikani nga Haiti nuk e ka kuptuar gabimin e tij, për pasojë uji i ka rënë në kostum.
Top Haitian politician Edgard Leblanc Fils clumsily drinks from pitcher during speech to UN.
Follow: @AFpost pic.twitter.com/iA6cHtQy3V
— AF Post (@AFpost) September 26, 2024
Incidenti ndodhi pasi presidenti i përkohshëm i Haitit u përpoq të adresonte pretendimet e rreme të Donald Trump se emigrantët nga Haiti hanë kafshë shtëpiake në Springfield, Ohio, një pozicion që i kushtoi shtrenjtë kandidatit për president të SHBA-së gjatë një debati me kundërshtaren e tij demokrate, Kamala Harris.
“Unë do të doja të dërgoja përshëndetjen time vëllazërore për miqtë e Haitit që kanë treguar solidaritetin e tyre me emigrantët nga vendi im dhe veçanërisht ata që jetojnë në Springfield, Ohio,” tha Phils në një moment në fjalimin e tij.
Ai shprehu shqetësimin e tij për haitianët në SHBA dhe në mbarë botën dhe paragjykimet me të cilat përballen pas lajmeve të rreme të Trump.
Çfarë tha Trump?
Kur debati në debatin e Donald Trump me Kamala Harris u kthye te emigracioni, Trump pohoi se emigrantët nga Haiti që jetojnë në Ohio po rrëmbejnë dhe hanë kafshë, një pozicion që për herë të parë u përkrah nga kandidati i tij për Zv/President, Jay D. Vance.
“Ata hanë qentë. Ata hanë mace. Ata po hanë kafshët e njerëzve që jetojnë atje”, ishte pretendimi i Trump për atë që ai tha se po ndodhte në Springfield, Ohio.
Frazat pasuan me tallje nga Harris, e cili e quajti atë një “pozicion ekstrem”, duke e detyruar dhe moderatorin e debatit të ABC që të kundërshtonte kandidatin republikan.
“ABC kontaktoi me kryebashkiakun e Springfield, i cili na tha se nuk ka pasur asnjë ankesë të vërtetuar për pretendimet se emigrantët po hanë kafshë shtëpikae”, tha gazetari.
Pretendimi i pavërtetë u bë fillimisht nga Jay D. Vance në një postim në X në të cilin ai tha se zyra e tij “ka marrë disa denoncime për rrëmbime kafshësh nga haitianët”.
Months ago, I raised the issue of Haitian illegal immigrants draining social services and generally causing chaos all over Springfield, Ohio.
Reports now show that people have had their pets abducted and eaten by people who shouldn't be in this country. Where is our border czar? pic.twitter.com/rf0EDIeI5i
— JD Vance (@JDVance) September 9, 2024
Retorika e Vance filloi më 6 shtator kur një postim u shfaq në mediat sociale që pretendonte të përshkruante se si një mik i një fqinji kishte parë një mace të varur në një pemë, gati t’u ngrënë nga emigrantët.
“Tashmë raportet tregojnë se kafshët e njerëzve po rrëmbehen dhe hahen nga njerëz që nuk duhet të jenë në vendin tonë”, shkroi Vance në një postim.
“Në përgjigje të thashethemeve të fundit për aktivitete të supozuara kriminale nga emigrantët në qytetin tonë, ne duam të bëjmë të qartë se nuk ka pasur asnjë raport të vërtetuar ose pretendim specifik se kafshët janë dëmtuar ose abuzuar nga anëtarët e komunitetit të emigrantëve”, tha kryebashkiaku i Springfield-it një deklaratë nga policia lokale për të njoftuar gjithashtu se nuk kanë marrë asnjë raportim për vjedhje apo ngrënie kafshësh. /tesheshi.com/
