Gafa e radhës e Bidenit, por jo sipas Shtëpisë së Bardhë

Shprehja “God save the Queen” (Zoti e ruajt Mbretëreshën) e përdorur nga presidenti amerikan Joe Biden, duke përfunduar fjalimin e tij të djeshëm për kufizimin e posedimit të armëve në Connecticut, shkaktoi komente të ndryshme në rrjetet sociale.

Duke iu drejtuar turmës së mbledhur në West Hartford për të parë fjalimin e tij, ai shpjegoi se nuk mund të vononte për të përshëndetur pjesëmarrësit, duke shtuar se do të pozonte për disa foto përkujtimore.

“Mirë, Zoti e ruaj mbretëreshën, njeri”, tha Biden, 80 vjeç, përpara se të kthente shikimin drejt daljes.

BIDEN: “God save the Queen!"

He’s in Connecticut. And the Queen is dead…

pic.twitter.com/dfJKrR595x

— Benny Johnson (@bennyjohnson) June 16, 2023

Një zëdhënës i Shtëpisë së Bardhë tha se presidenti “iu drejtua dikujt në turmë”, pa dhënë detaje.

Por edhe nëse Biden do t’i drejtohej vërtet një britaniku, do të ishte gabim të përdorej fraza “Zoti e ruajt Mbretëreshën”, duke qenë se froni britanik tani është i mashkulli, Mbretit Charles III.

Siç pritej, klipi nga fjalimi i Presidentit Biden u bë viral në rrjetet sociale dhe u komentua në mënyra të ndryshme nga mbështetësit republikanë.

“Joe Biden e ka humbur atë(mendjen)”, komentoi Leo Terrell në Fox News.

Nuk janë të paktë amerikanët që besojnë se, për shkak të moshës së tij të shtyrë, Biden nuk duhet të kandidojë për një mandat të dytë presidencial, pasi – nëse zgjidhet sërish – në fund të tij do të jetë 86 vjeç. /tesheshi.com/