Deputetja e PD-së, Grida Duma, ka bërë një gafë në sallën e Parlamentit, megjithëse shpesh mundohet të jetë sa më e saktë dhe preçize. Por sot ajo ka zgjedhur të citojë Nikolo Makiavelin, origjinën e të cilit nga Italia qendrore e zhvendosi në Lindjen e largët.
“Ashtu siç shumë kohë më parë Makiaveli, një mendje tjetër e ndritur e Lindjes së Largët dhe e strategjisë thoshte që: Fitimtari e fiton luftën shumë më parë se sa të zbresë në fushë-betejë, se në fushën e betejës luftën e kërkon ta fitojë vetëm humbësi”, tha Duma.
Nikolo Makiaveli (1469-1527) ka qenë politikan, shkrimtar politik, historian, dramaturg, filozof dhe hartues traktatesh nga Firence. Dy janë veprat që krijuan një mendim politik dhe që i dhanë famë: Princi dhe Ligjëratat. Tek jeta dhe vepra e tij ndihet qartë krenaria dhe realizmi se ai krijoi shkencën moderne politike.Jeta e Nikolo Makiavelit shpjegon më mirë se çdo gjë tjetër mendimin e tij. Ai lindi në Firence, në vitin 1469 dhe ndërroi jetë më 21 qershor 1527. /tesheshi.com/
