Ka ndodhur në fillim të këtij viti: ambasadori britanik në Mjanmar u detyrua të ndërpresë Sekretarin e Jashtëm, Boris Johnson, ndërsa ai po recitonte një poezi nostalgjike koloniale nga Rudyard Kipling, gjatë një vizite në faltoren më të famshme budiste të vendit.
Johnson, i cili ndihmoi në udhëheqjen e fushatës “Leave” në referendumin e Brexit të vitit 2016, është kapur në kamera duke lexuar poezinë e Kipling, Mandalay, në faltoren Shwedagon në Yangon.
“Këmbanat e tempullit, ato thonë, kthehu përsëri o ti ushtar britanik”, ishin vargjet e recituara nga Johnson, të cilat janë regjistruar nga Channel 4.
Ndërsa Johnson vazhdon me recitimin e tij të poemës, që përshkruan një marrëdhënie dashurie të një ushtari me një grua vendase, gjatë sundimit kolonial të Britanisë së asaj që do të njihet më pas si Mjanmari, ambasadori britanik nis dhe nervozohet.
“Nuk e keni të hapur mikrofonin, nuk më duket ide e mirë”, i është drejtuar ambasadori Andrew Patrick, sekretarit Johnson.
“Çfarë?” pyet Johnson.
“Jo. Nuk më duket e përshtatshme”, thotë ambasadori.
Zëdhënësja e Ministrisë së Jashtme nuk pranoi të komentojë për incidentin.
Emërimi i Xhonsonit nga kryeministrja Theresa May, i cili në prag të referendumit të Britanisë për anëtarësimin në BE krahasoi synimet e Bashkimit Europian me ato të Adolf Hitlerit dhe Napoleonit, shkaktoi reagime të forta në kryeqytetet evropiane.
Në javët e fundit Johnson është përpjekur të ndërtojë vizionin e tij për Britaninë jashtë Bashkimit Evropian. /tesheshi.com/
