Në mbledhjen e Asamblesë Kombëtare të PS-së, Edi Rama prezantoi 10 objektivat që qeveria e re ka si prioritet të saja.
Kryeministri paralajmëroi shkrirjen e disa prej institucioneve dhe pozicioneve në administratë, të cilat i cilësoi jo vetëm të tepruara, por edhe parazitare.
Madje Rama u shpreh se në Shqipëri me strukturën aktuale, më shumë ka drejtorë se punëtorë, duke paralajmëruar në këtë mënyrë një ndryshim rrënjësor të strukturës së administratës.
Rama është shprehur se vendimi i parë i qeverisë së tij do të jetë shkrirja e “policisë gri”, një pjese të uniformave blu të lidhura me krimin.
Në vijim ai paraqiti edhe 10 tiparet që duhet të ketë mandate qeverisës i PS-së, që me zgjedhjet e 25 qershorit nuk do të ketë më nevojën e koalicioneve për të qeverisur.
“Besnikëria ndaj vendit, vullnet i palëkundur ndaj reformave. Jemi vendi me më pak punonjës në administratë në rajon dhe jemi vendi me më shumë drejtorë.
Qasja frontale, operacione në çdo zonë, reformim, ristrukturim, rivlerësim burgimesh njerëzore.
Gatishmëria për dialog me opozitën, por pa lënë asnjë punë të sotme për nesër.
Sjellje pro-aktive duke i shtrirë dorën në cdo hap. Ta kërkojmë bashkëpunimin jo kur vjen ‘veza për të dalë’ por në vijmësi për çdo cështje, por nuk do të qëndrojmë në vend duke pritur opozitën.
Operacione jo konvencionale kundër korrupsionit. Duhet të ecim në rrugë të pashkelura më parë. Do të nisim punën që këtë javë me ministrin e ri dhe parlamentin për ta zgjedhur programin një miliard, duke çuar një qasje të re buxhetore për ujin, shkolla dhe spitalet.
Do të bëjmë largime në bllok drejtorësh dhe shkrirje të drejtorive, si bordet e kullimit, apo e famshmja policia gri, që do të shkrihet që në mbledhjen e parë të qeverisë.
Duhet të jetë tipar përcaktues ulja e peshës së administratës në jetën e shqiptarëve dhe kompanive të bizneseve. Nuk mund të vazhdohet që një njeri të mbledhë aq shumë letra për të marrë një dokument”, theksoi kryeministi. /tesheshi.com/
