Pasaportat për shtetasit deri në 16 vjeç , të lëshuara gjatë viteve 2009-2010 duhet të ripërsëriten pasi “gabimisht” janë dhënë për një periudhë 10 vjeçare në vend të pesë vjetëve vlefshmëri.
Pasaportat e lëshuara nga ministria e Brendshme janë cilësuar një gabim teknik, por nuk është i këtij mendimi, deputeti socialist, Erion Braçe që ngre zërin për skandalin dhe kërkon ndëshkimin për përgjegjësit, për të cilët thotë se janë nga Lulzim Basha tek firma Aleat.
“Cdomethene “gabim teknik”? Eshtë arsye? Eshtë ndjesë? Cfarë kuptimi ka juridikisht? Ligji ka qenë shumë i qartë;
Për shtetasit nën moshën 16 vjeç, vlefshmëria e pasaportës ështe 5 vjet!! Cdo veprim i ndryshëm nga ky është shkelje e ligjit”, shkruan Braçe në Facebook.
Sipas përllogaritjeve të kreut të komisionit të Ekonomisë, me cmimin 6.000 leke te reja, për 156 mijë pasaporta, vlera arrin në 6.6 milione euro. Plus pasaportat që janë nxjerrë me procedurë të përshpejtuar, Braçe e vendos vlerën e dëmit në 11.6 milionë euro.
“S’ka perse te paguajë gjithnjë qytetari për gabimet skandaloze të administratës dhe kontraktorëve të saj”, përfundon Braçe. /tesheshi.com/
