Ministrat e financave nga 20 ekonomitë më të mëdha të botës (G20) arritën një “konsensus të fortë” në një takim dy-ditor në Indonezi për çështje të tilla si siguria globale e ushqimit, por ishin të ndarë në qëndrimin e tyre ndaj pushtimit rus të Ukrainës.
Sekretarja e Thesarit e SHBA-së, Janet Yellen tha se për shkak të dallimeve në pozicione, ministrat e financave dhe guvernatorët e bankave qendrore nuk arritën një deklaratë përfundimtare, por ranë dakord se ata duhet të veprojnë për shkak të përkeqësimit të sigurisë ushqimore.
Vendet perëndimore kanë vendosur sanksione të ashpra ndaj Rusisë, të cilën ata e akuzojnë dhe për kryerjen e krimeve të luftës në Ukrainë, gjë të cilën Moska e mohon.
Anëtarët e tjerë të G20, përfshirë Kinën, Indinë dhe Afrikën e Jugut, abstenuan.
“Këto janë kohë sfiduese sepse Rusia është anëtare e G20 dhe e karakterizon ndryshe luftën në Ukrainë”, tha ajo.
Pasojat e pushtimit rus të Ukrainës
Zyrtarë të lartë perëndimorë, duke përfshirë Yellen dhe homologen e saj kanadeze Chrystia Freeland, dënuan të premten luftën dhe fajësuan zyrtarët rusë për vështirësitë e rënda ekonomike të botës si rezultat i asaj lufte.
Guvernatori i bankës qendrore të Indonezisë, Perry Warjiyo, u kërkoi të shtunën vendeve anëtare të fokusohen në objektivat e rimëkëmbjes ekonomike globale.
Analistët thonë se dështimi i ministrave të financave të G20 për të arritur një marrëveshje mbi tekstin e deklaratës përfundimtare është një reflektim i dobësisë së grupit dikur shumë me ndikim.
“Ne jemi pa lidership në botën e ekonomisë me G20 të paralizuar nga lufta e Putinit dhe G7 të paaftë për të marrë drejtimin në menaxhimin e të mirave publike,” tha Kevin Gallagher, kreu i Qendrës së Politikave të Zhvillimit Global të Universitetit të Bostonit.
Mikpritësi i Indonezisë, ministri i Financave Sri Mulyani, duke kryesuar takimin dy-ditor, shprehu shpresën se delegacionet do të arrinin një qëndrim të përbashkët për rritjen e çmimeve të mallrave, krizën në rritje të pasigurisë ushqimore dhe paaftësinë e vendeve me të ardhura të ulëta për të shlyer borxhin.
G20 u bashkua në fillim të pandemisë së koronavirusit, por nismat për të miratuar masa për të zbutur tronditjen për vendet me borxhe të larta nuk dhanë rezultat. /tesheshi.com/
