Pamjet televizive tregojnë se si një nga tifozët gjatë ndeshjes së së dielës mes Mallorca-s dhe klubit madrilen ofendoi Vinicius Junior (EPA)
Liga spanjolle e futbollit do të hetojë fyerjet e reja raciste të drejtuara ndaj lojtarit të Real Madridit, Vinicius Junior, raporton AFP.
Në pamjet televizive, një nga tifozët në ndeshjen e së dielës mes Mallorca-s dhe klubit madrilen shihet duke e quajtur sulmuesin brazilian “majmun”.
Vinicius Junior u ofendua gjithashtu teksa bënte foto dhe firmoste autografe në Mallorca.
Që kur erdhi në Spanjë pesë vjet më parë, ai është ekspozuar ndaj ofendimeve dhe muajin e kaluar sulmet arritën një nivel të ri, kur një kukull me imazhin e tij u var në një urë në Madrid, në prag të derbit të qytetit me Atléticon.
Policia po heton ngjarjet
Primera e Spanjës tha se ata “po punonin me Mallorca-n për të identifikuar përgjegjësit në mënyrë që të merrnin të gjitha masat e nevojshme ligjore”. Për të përshpejtuar procesin, Primera ka krijuar një email ([email protected]), në mënyrë që fansat të mund të dërgojnë fotografi ose të ndajnë informacione për personat përgjegjës.
Policia spanjolle ende nuk i ka gjetur përgjegjësit për incidentet e mëparshme, përfshirë abuzimin racist të fundit të një sulmuesi brazilian në stadiumin Valladolid.
Kampionët aktual të Evropës dhe Spanjës u mposhtën të dielën nga Mallorca 0:1. Pas 20 xhirove, Real Madridi është në vendin e dytë në Primera me tetë pikë më pak se rivali kryesues Barcelona. /tesheshi.com/
