Aventura e Papy Djilobodji tek skuadra londineze Chelsea, ka përfunduara para kohe. Mbrojtësi senegalez që kishte luajtur vetëm 59 sekonda në gjashtë muajt e fundit në kampionatin anglez, është transferuar tek skuadra gjermane, Werder Bremen.
Lajmin e ka konfirmuar vetë klubi gjerman, që pasi ka kryer testet mjeksore me futbollistin e ka prezantuar atë.
“Jemi shumë të lumtur që kemi nëshkruar me Papy Djilobodji, pasi e konsiderojmë si një pasues të denjë të Assani Lukimya, futbollistit që u largua në këtë merkato”, thuhet në komunikatën zyrtare të klubit gjerman.
Mediat gjermane e kanë vlerësuar si tejet të guximshëm këtë operacion të skuadrës nga Weserstadion, që të transferojë një futbollist që nuk e ka zhvilluar as edhe një minutë të plotë loje sezonin e shkuar. /tesheshi.com/
