Kevin Soni, sulmuesi 24-vjeçar i Hataysporit, është një nga futbollistët e lënduar lehtë nga tërmetet shkatërruese që goditën Turqinë.
Tërmeti i parë shkatërrues, me magnitudë 7.8 ballë të shkallës Rihter, goditi në orën 4:17 të mëngjesit të së hënës, duke rrafshuar pjesën më të madhe të qytetit të Hatay-t.
Kamerunazi, i cili mbërriti në Hatayspor në formë huazimi nga skuadra greke Asteras para fillimit të këtij sezoni, ishte zgjuar dhe arriti të dilte nga shtëpia.
“Unë jam një musliman. Të qenit zgjuar më shpëtoi. Doja të prisja deri në orën 6:40 të mëngjesit për të falur namazin e sabahut. Po të kisha fjetur gjatë tërmetit, nuk do të mund të dilja nga shtëpia dhe mendoj se do të isha nën rrënoja”, tha Soni.
Kujtojmë se shoku i tij i skuadrës Christian Atus është ende nën rrënoja. /tesheshi.com/
