Futbollistët britanikë dhe zviceranë në Itali, si qytetarë të BE-së

Federata Italiane e Futbollit (FIGC) ka njoftuar zyrtarisht se do t’i trajtojë futbollistët britanikë dhe zviceranë si qytetarë të Bashkimit Evropian për qëllime të regjistrimit të lojtarëve.

Klubet italiane mund të nënshkruajnë kontrata vetëm me dy lojtarë jashtë BE-së në sezon, kështu që vendimi i FIGC së paku do t’ua lehtësojë paksa klubeve të Gadishullit Apenin.

As Britania e Madhe dhe as Zvicra nuk janë pjesë e Bashkimit Evropian. Megjithatë, pas këtij vendimi të FIGC-së, futbollistët në Itali me nënshtetësi britanike dhe zvicerane tashmë konsiderohen qytetarë të barabartë të BE-së në të gjitha aspektet.

Milani, për shembull, solli mesfushorin anglez Ruben Loftus-Cheek nga klubi londinez Chelsea këtë verë. Pas vendimit të Federatës, kuqezinjtë do të kenë ende dy vende vakante për lojtarë jashtë BE-së. /tesheshi.com/