Britanikja The Guardian i kushton një raportim rastit të Osasunës në La Ligën spanjolle vite më parë, kur ekipi paguante për t’i shpëtuar rënies nga kategoria.
Një gjykatë vendore spanjolle u shpreh të martën se Osasuna ishte përpjekur të paracaktonte rezultatin e ndeshjeve në dy sezone.
Ish-sekretari i klubit ka pranuar se Osasuna i ka paguar shuma të caktuara Getafes dhe Betisit për t’i lënë ndeshjet në sezonet 2012-2013 dhe 2013-2014, e po ashtu ka paguar dhe Espanjolin për një barazim.
Angel Vizcay deklaroi se Osasuna kishte paguar 400.00 euro në dorë për Getafen për të humbur në Osasuna në 2013-n dhe se Betisit i ishin paguar 250.000 euro për të lënë ndeshjen në vitin pasardhës.
Ai ka përmendur dhe pagesa të tjera, ndërsa ish-presidenti i Osasunës, Miguel Archanco, e mohoi gjatë dëshmisë së tij që klubi të kishte rregulluar rezultate ndeshjesh.
Vizcay ka thënë se një prej dy pagesave për Betisin u ishte bërë drejtpërdrejt tre lojtarëve në Sevilje.
Ende nuk ka një vendim përfundimtar të gjyqit për këtë çështje. Rregullimi i rezultateve të ndeshjeve është një fenomen i njohur në futbollin modern. /tesheshi.com/
