Numri i turistëve që vizitojnë Britaninë e Madhe për të parë një ndeshje futbolli po rritet gjithnjë e më shumë. Kështu të paktën tregon një studim i kryer nga kompania që merret me promovimin e turizmit në ishull, “VisitBritania”.
Raportimet e fundit tregojnë se në këto pesë vitet e fundit ka gjithnjë rritje sa i përket numrit të turistëve që vijnë për të parë një ndeshje futbolli, madje shifra shpeshherë i kalon edhe 50,000 mijë persona.
“VisitBritania” thotë se vetëm në vitin 2014 më shumë se 800,000 vizitorë kanë marrë rrugën drejt Britanisë për të parë një ndeshje futbolli. Mesatarisht ata kanë shpenzuar 684 funta, që do të thotë 15% më shumë se në vitin 2010.
Veriperëndimi i Anglisë dhe Londra janë destinacionet më të frekuentuara sa i përket turistëve që vijnë për të ndjekur një ndeshje futbolli; çdo një në 10 persona zgjedhin këto dy adresa si destinacion i parë.
Çdo një në 20 persona zgjedh veri-lindjen, ndërsa 2.5% preferojnë të udhëtojnë drejt Uellsit për të parë një ndeshje futbolli.
Përqindja më e madhe e turistëve vjen nga Europa, Republika e Irlandës (121,000 vizitorë), Novergjia (93,000), Suedia (58,000) dhe Shtetet e Bashkuara të Amerikës (53,000).
Futbolli është bërë atraksion edhe për njerëzit e biznesit, pasi shifrat e fundit që vijnë nga VisitBritania tregojnë se janë mbi 40,000 persona që kanë udhëtuar drejt Britanisë me viza biznesi dhe që kanë preferuar të shikojnë një ndeshje futbolli. /tesheshi.com/
