Në një fushatë që tani ka brenda përpjekjen për “rinusërim”, pra rizgjedhje si kryetar, kreu demokrat Basha tha se ai do garantonte një PD më të bashkuar dhe më të fortë.
Nga Berati, Kuçova e Dimali, Basha iu drejtuar anëtarësisë demokrate duke iu thënë se “unë e di që ju e doni Partinë Demokratike të jetë e bashkuar dhe e fortë dhe ju garantoj që ky është dhe prioriteti im i parë dhe kryesor që nga kjo garë, nga ky proces i brendshëm të dalim të bashkuar dhe të forte”.
Sipas tij, 25 prilli ishte një fitore për PD-në një tjetër këndvështrim.
“Në vend që të bëheshim më të dobët dhe më të pakët, në një situatë ku për herë të parë që nga 91-shi nuk kishim asnjë pushtet dhe shkonim tek qytetarët të barabartë me të, më 25 prill pavarësisht të gjithë makinacioneve dolëm më të fortë, më të mëdhenj, më të bashkuar dhe padiskutim për këtë merita i takon në radhë të parë mbi të gjitha demokratëve”, argumentoi njeriu në krye të PD-së.
Më 13 qershor, Bashën e pret një garë përballë tre rivalëve: Fatbardh Kadillit, Edit Harxhit dhe Agron Shehajt. /tesheshi.com/
