Fushata zgjedhore në Mitrovicë për zgjedhjet lokale të 22 tetorit, e cila do të zgjasë 30 ditë, ka filluar qetë në jug dhe me tensione në veri.
Në jug, përkatësisht në Mitrovicë dhe në Skenderaj, fushatën e ka hapur PDK-ja, me premtime të mëdha për qytetarët e Kosovës.
Edhe në veri të Mitrovicës fushatën e ka hapur PDK-ja, e cila kandidon edhe me kandidatw për kryetar të Komunës Veriore të Mitrovicës, e që është një grua, Gonxhe Çaushi.
Ndërkaq në veri që në fillim të fushatës disa nga subjektet politike kanë akuzuar Listën Serbe se është duke bërë presion të “paparë” mbi kandidatët e subjekteve politike të tjera që të tërhiqen nga gara, e që ka rezultuar me disa tërheqje, shkruan “Zëri”.
Kujtojmë se fushata zgjedhore do të mbyllet më datë 20 tetor. /tesheshi.com/
