Një lajm i rremë i fabrikuar si “Memorandum për bashkëpunim mes PDK-së dhe Vetëvendosjes” ka marrë vëmendje mediatike, por edhe më tepër, ka trazuar mendjen e votuesve të 6 tetorit që po bombardohen me informacione nga fushatat përmes mediave sociale.
Kështu, në Facebook po qarkullon një fotografi ku thuhet se mes dy partive rivale është vendosur që “në mënyrë konfidenciale të formohen grupet punuese për ndarjen e posteve ministrore për të dy partitë, ku memorandumi parasheh ndarje në proporcion 50/50”.
Lajmi i cili qarkullon me logon e Gazetës Express, u demantua shpejt nga mediumi në fjalë, duke thënë se kjo është një gënjeshtër prej së cilës distancohet.
Ndërkohë, strukturimi i njoftimit lë vend për të dyshuar në vërtetësi, marrë parasysh gabimet e shumta në drejtshkrim dhe jo vetëm. /tesheshi.com/
