Skavica e është përfshirë së fundi në ligjërimin elektoral të Dibrës. Projektin që PD e kundërshton, duke e konsideruar si aferë koruptive, kandidati i saj për zgjedhjet e 11 shtatorit, Sherefedin Shehu e ka përdorur së fundi për të akuzuar dy ministra të qeverisë.
Shehu theksoi se për Peshkopinë “është një fyerje ardhja e ministrave Gjiknuri dhe Ahmetaj, të cilët pas rritjes së çmimit të energjisë dhe presionit me faturat abuzive janë përgjegjës direkt për korrupsionin e hidrocentralit të Skavicës”.
Sakaq, në takime më banorë të disa zonave në Dibër, Shehu tha se ofrimi i shërbimeve, që nga pastrimi, sistemimi i rrugëve dhe kanalet vaditëse do të jetë prioritet i tij nëse zgjidhet.
Më pas, ai iu rikthye kohës kur qeveriste PD-ja duke iu thënë banorëve se “këtej në zonën e Sinës ne kemi filluar një projekt të madh me Bankën Gjermane për Zhvillim, ky projekt tani do të vijë të zbatohet edhe në zonën tuaj”. /tesheshi.com/
