Fushata elektorale për zgjedhjet e 11 dhjetorit në Maqedoni është futur në një fazë të ethshme, ku çdo ditë e më tepër rritet si intensiteti i premtimeve të bujshme e si ai akuzave të ashpra.
Dhe nga këto të fundit adresuar pushtetit, zënë vend dhe përmendoret e Shkupit, një investim marramendës milionash deliranto-nacionalist i Gruevksit, që siduket i është kthyer në boomerang.
Lideri i LSDM-së dhe koalicionit kryesor opozitar, Zoran Zaev po i përmend ato në tubimet e tij duke i shoqëruar edhe me premtime populiste.
“Nëse Gruevski shpenzoi 70 milionë euro për përmendore dhe shatërvanë edhe unë do të shpenzojë 700 milionë euro, por për vende të reja pune. Të gjitha resurset në vend do të orientohen drejt hapjes së vendeve të reja të punës. Paga mesatare do të jetë 30 mijë denarë, familjet me dy të punësuar do të kenë 6 mijë denarë. Të respektuar punonjës të tekstilit dua tu premtoj se askush më nuk do t’ua vlerësojë më pak punën. Paga minimale do të jetë e njëjtë për të gjithë të punësuarit dhe ajo të arrijë deri në 16 mijë denarë”, tha Zaev në një prej tubimeve më të fundit elektorale. /tesheshi.com/
