Nikolla Poposki, bartësi i listës së deputetëve në njësinë zgjedhore numër 1 nga rradhët e partisë maqedonase në pushtet, VMRO-DPMNE-së, ka dhënë një intervistë për “Radio Evropa e Lirë” në të cilën ka folur për shumë tema ndër të cilat edhe për përgjimet të cilat i publikoi lideri i opozitës, Zoran Zaev.
“Është e vërtetë se jemi në një moment historik, por për mua më e rëndësishme është të mbarojë kriza politike në Maqedoni dhe të kthehet normaliteti. Me kthimin e normalitetit nënkuptojmë harxhimin e energjisë në atë që është më e rëndësishme për Maqedoninë”, tha mes tjerash Poposki.
Ndërsa i pyetur se kush do të përfundojë në burg dhe kush jo nga ajo që u dëgjua sipas bisedave të përgjuara telefonike, ai tha se i vetmi organ përgjegjës për këtë janë gjykatat e Maqedonisë.
Ndryshe, transkriptat e bisedave të përgjuara me përmbajtje kriminele të funksionarëve politik të qeverisë, tani ndodhen në duart e Prokurorisë Speciale. /tesheshi.com/
