Paralel me deklarimet mbështetëse nga Brukseli, adresuar qeverisë për përmbushjen e kushteve për negociatat, presidenti Meta u shfaq në terren duke vijuar fushatën e tij anti-Rama për zgjedhjet e 25 prillit.
“Është e pafalshme, që ne ende nuk kemi asnjë shpresë, për çeljen e negociatave për shkak të mungesës së zgjedhjeve të lira dhe të ndershme dhe të mos-hetimit të manipulimeve të bëra në të kaluarën.
Ndaj ky është një moment final për të bërë një restart të demokracisë, përmes zgjimit qytetar, votës së lirë, të ndershme dhe të barabartë”, deklaroi Meta nga Durrësi.
Por nga Brukseli, zyrtarët më të lartë të BE-së thanë se çështja e përfolur e blerjes së votave më 2017 po hetohet.
“Për blerjen e votës do të shikojmë në terren se ç’masa të merren. Ne duam që ligji të zbatohet”, tha komisoneri Varhelyi.
Vendimi i këshillit në mars 2020 thekson se nisja e proceseve gjyqësore për ata të blerjes së votës duhet vlerësuar”, dekaroi Borell. /tesheshi.com/
