Rreth 70 demokratë të njësisë numër 7 në kryeqytet kanë firmosur një peticion ku i kërkojnë Lulzim Bashës të japë me urgjencë dorëheqjen nga posti i kryetarit të PD-së dhe çdo funksion drejtues në parti.
Ata e cilësojnë përgjegjës për humbjen në zgjehdjet e 25 qershorit, dhe shkaktar të përccarjes së strukturave të partisë.
Ata i bëjnë thirrje demokratëve në të gjithë Shqipërinë nga Veriu në Jug t’i bashkohen kësaj kërkesë për të larguar Bashën nga posti i kryetarit, edhe pse i ngrirë.
“Ftojmë të gjithë demokratët nga Veriu në Jug të na bashkangjiten dhe t’a firmosin këtë peticion, si shpëtim për të ardhmen e Partisë Demokratike dhe rikthimin e shpresës por edhe te vlerave në vendin e vet.
Me dëshirën më të madhe për t’ju përkushtuar kësaj kauze, për të luftuar për një Demokraci të konsoliduar, ju ftojmë të na bashkoheni. Me shumë respekt dhe mirënjohje anëtarë të dega 7 e Partisë Demokratike Tiranë!”, theksohet në këtë peticion.
Kjo thirrje për dorëheqje drejtuar Bashës, i bashkohet një sërë peticionesh të tjera të publikuar deri tani nga demokratë në disa degë të kësaj partie nëpër rrethe.
Po dje në darkë kundërshtarët e Bashës në PD kanë zhvilluar një takim në Durrës për të diskutuar për lëvizjen opozitare brenda partisë dhe në kundërshtim të votimit të 22 Korrikut.
Të pranishëm kanë qenë Besnik Mustafaj, Astrit Patozi, Leonard Olli dhe Julian Deda. Mustafaj tha para demokratëve të Durrësit se ata nuk mund të rrinë duarkryq duke parë se si Edi Rama e merr PD-në, siç tentoi edhe në vitet 90.
Ndërsa, Patozi, tha se PD-ja nuk arriti dot që të ngjallte shpresën e demokratëve dhe se kërkohet ringritja e saj. Ai akuzoi Bashën për garë farsë duke theksuar se Selami merr pjesë për formalitet./tesheshi.com/
