Ajo çfarë po i mungon fushatës për zgjedhjet e 6 tetorit në Kosovë është një debat direkt mes kandidatëve për kryeministër. Një sosh, Fatmir Limaj i NISMA-s, kërkon që kjo të bëhet me patjetër, sipas tij, për të nxjerrë në pah gjithëçfarë posedojnë njëri apo tjetri si aftësi qeverisëse.
“Pse të mos dalim para qytetarëve kush je ti dhe a je kompetentë për të drejtuar vendin. Pse të fshihemi pas siglave të partive. Hajde të bëjmë pyetje për njëri tjetrin në mënyrë korrekte”, tha Limaj në një intervistë televizive.
Duke iu referuar rastit të kandidates nga LDK, Vjosa Osmani, Limaj tha: “Kemi kryetarë partish që nuk janë kandidatë për kryeministër. Nominimet janë bërë me shumë dramaticitet në disa grupe politike dhe kjo është një zhvillim i mirë politik”.
Kadri Veseli nga PDK, Vjosa Osmani nga LDK, Ramush Haradinaj nga AAK, Albin Kurti nga VV, si dhe Fatmir Limaj nga NISMA, janë 5 emrat që garojnë për të qenë njerëzit që do qeverisin Kosovën në 4 vitet e ardhshme. /tesheshi.com/
