Eshtë shoqëruar me entuziazëm nga ana e SHBA arrestimi nga SPAK i një numri zyrtarësh të Gjykatës së Krujës, ku veçon gjyqtarja Enkelejda Hoxha, e njohur si shpëtimtarja e figurave të krimit.
Ambasadorja Kim, ajo e cila mbron dhe mbështetet fuqimisht SPAK-un dhe Reformën në Drejtësi, tha se ky është një sinnjal i qartë por ende i pamjaftueshëm, se drejtësia e re po troket.
“Që Reforma në Drejtësi nuk ka për të ndodhur, që SPAK nuk ka për të funksionuar kemi gabim. Ju inkurajoj që të shihni të gjitha hapat e SPAK, të gjitha çështjet, duke përfshirë edhe rastin e sotëm në Krujë”, tha gruaja që përfaqëson Uashgintonin në Tiranë, duke përcjellë një mesazh dhe për atë krah të politikës që Lufton reformën, ku amerikanët kanë veçuar presidentin Meta.
“Një drejtësi nuk është një mrekulli; ajo ndodh hap pas hapi dhe prandaj duhet të zhvillohet dhe duhet të ndihmojmë njëri-tjetrin që të zhvillohet dhe të ecë përpara. Duhet që ta shtyni veten që të shkoni kundër skepticizmin. Shikoni çfarë po bën SPAK…. Mos e lini veten të shpërqendroheni nga propaganda”, tha Kim për gazetarët gjatë një qëndrimi në Durrës. /tesheshi.com/
