Ka folur më në fund mazhoranca lidhur ne furinë e pazakontë në krimit në Shkodër, ku ka qenë vetë ministri i Rendit, Fatmir Xhafaj, që është “përmendur” pas një kohe të gjatë heshtjeje. Në seancën e parë të Kuvendit për sesionin e ri, teksa opozita ka zgjedhur të mblidhet në qytetin verior, Xhafaj ka premtuar me një “do të” tipike të qeverisjes Rama, se krimi do ndëshkohet shumë shpejt.
“Ne jemi të vendosur t’i shkojmë deri në fund këtyre ngjarjeve dhe shpresoj që shumë shpejt do të përgjigjen para ligjit si autorët, ekzekutorët e tyre ashtu edhe nxitësit e këtyre ngjarjeve të rënda. Kjo sa i përket përgjegjësisë sonë shtetërore dhe përgjegjësisë përballë qytetarëve të Shkodrës”.
“Gjatë muajit shtator- tetor, në sajë të provave që kemi mbledhur dhe punës intesive që kemi bërë, jemi të bindur që do të goditen një pjesë e mirë e këtyre grupeve kriminale”, tha Xhafaj, duke zgjedhur të rrëzojë thirrjet e opozitës me gjuhën e shifrave.
“Vrasjet me dashje në Shqipëri në mandatin e parë të PD kanë qenë rreth 230 vrasje, me një mesatare 58 vrasje në vit. Në mandatin e dytë në një mesatare prej 72 vrasje në vit. Në mandatin tonë të parë mesatarja e vrasje ka qenë 43 dhe për këtë vit deri në këtë moment që po flasim janë 24”, tha kreu i Rendit, ku të njëjtën gjë para tij e bëri dhe kryedeputeti socialist Balla.
“Në 2010 kur ministri i Brendshëm ishte Basha ato arritën në nivelin më të lartë, 18 vrasje. Krahasuar me një shifër 8 vrasje gjatë tetë mujori janar-gusht 2018. Edhe gjatë 2012 ka qenë një numër i lartë 18 dhe mesatarja ka qenë 15 vrasje në mandatin e dytë dhe të fundit të PD krahasuar me një numër 9 mesatarja gjatë mandatit tonë të parë”, tha Balla. /tesheshi.com/
