Momentet dramatike që ndodhën në një pikë karburanti në një periferi të Johanesburgut në Afrikën e Jugut kur shpërtheu zjarri në një furgon, u regjistruan nga një kamera sigurie.
Në video shihet zjarri duke filluar nga pjesa e përparme e poshtme e mjetit i cili funksiononte si taksi.
Momentet që pasuan ishin dramatike me shoferin që përpiqej furishëm të hapte derën, ndërsa pasagjerët e tjerë dolën nga xhamat e pasmë pasi brenda pak sekondash automjeti u mbush me tym.
Ka rezultuar vendimtare ndërhyrja e punonjësit të karburantit 36-vjeçar, i cili ka ndihmuar drejtuesin e mjetit të shpëtojë.
“Kur pashë zjarrin poshtë automjetit vrapova për të ndihmuar ata që ishin brenda. Nuk mendoja për veten time, ishin të paktën 13 persona brenda dhe e dija që nuk mund t’i lija”, tha ai.
Sipas tij, dy nga pasagjerët e mjetit kanë pësuar lëndime të lehta kur kanë dale prej aty. /tesheshi.com/
