Presidenti kinez, Xi Jinping merr nën kontroll edhe policinë. Kështu, sipas një njoftimi nga Pekini, vendi do të vendosë policinë e Armatosur Popullore nën komandën e Komisionit Qendror Ushtarak, një organizëm që normalisht kontrollon ushtrinë.
Lëvizja vendos forcën prej 660.000 ushtarësh nën kontrollin e drejtpërdrejtë të presidentit Xi Jinping, i cili kryesor Komisionin Qendror Ushtarak si shefi i forcave të armatosura dhe komandant i përgjithshëm.
Ndryshimi do të hyjë në fuqi në datën 1 janar, sipas agjencisë shtetërore të lajmeve Xinhua, ndërkohë që nuk dihet ende motivi për këtë ristrukturim.
Forca policore është përgjegjëse për mbrojtjen e kufirit, kundër-terrorizmin dhe ruajtjen e rendit të brendshëm, përfshi këtu edhe shpërndarjen e protestave. Kina është ndër të paktat vende ku ushtria është e lidhur me partinë dhe jo me shtetin. /tesheshi.com/
