Raportohet se Rusia do të heqë talebanët nga lista e saj e organizatave terroriste, më shumë se tre vjet pasi ata rimorën pushtetin në Afganistan.
“Kazakistani kohët e fundit mori një vendim, të cilin do ta marrim edhe ne, për t’i hequr ato nga lista e organizatave terroriste”, tha kryediplomati Sergej Lavrov, duke shtuar, gjatë vizitës së presidentit Vladimir Putin në Uzbekistan, se talebanët “kanë fuqi të vërtetë”.
Talibanët janë në listën ruse të organizatave terroriste që nga viti 2003, gjë që nuk i ka penguar marrëdhëniet me Moskën për disa vite dhe as paraqitjen e përfaqësuesve të këtij grupimi në tokën ruse në disa raste.
Rusia ka qenë pajtuese ndaj talebanëve që kur ata u kthyen në pushtet në Afganistan në gusht 2021, duke premtuar se nuk do të lejojë krijimin e organizatave më radikale.
Autoritetet e Moskës shqetësohen për sigurinë e ish-republikave sovjetike në Azinë Qendrore, të cilat kufizohen me Afganistanin.
Rusia ka ftuar gjithashtu përfaqësuesit e talebanëve të marrin pjesë në Forumin Ekonomik të Shën Petersburgut, takimin kryesor të biznesit të vendit, i cili zhvillohet në fillim të qershorit, raportoi Sol e Portugalisë. /tesheshi.com/
