Çdo lloj lufte prodhon imazhe dhe histori të cilat na ndryshojnë pikëpamjen tonë për atë luftë.
Fotografia e famshme e vajzës 4-vjeçare në vitin 1972 nga fotografi i njohur Nick Ut ku shfaqej imazhi i vajzës vietnameze e zhveshur me trupin e djegur nga një predhë, tronditi miliona njerëz.
Konflikti sirian tashmë është në vitin e gjashtë dhe ne jemi dëshmitarë të imazheve të ndryshme të vdekjeve dhe shkatërrimeve të cilat kanë shqetësuar përditshmërinë tonë.
Çdo ditë, fotografi të reja të shpërthimeve dhe vrasjeve të të pafajshmëve, të cilët në fakt janë përfaqësues të njerëzve normalë: familje, fëmijë dhe foshnje.
Pamja e tmerrshme e Aylan Kurdit në një breg të Turqisë, apo të vullnetarit gjerman të shoqatës Sea-Watch duke nxjerrë nga deti foshnjën e mbytur, na kanë tronditur të gjithëve. Këto imazhe janë të rëndësishme sepse kanë efekt të fuqishëm në të menduarit e njerëzve.Por kjo ndodh kur ndalemi të mendojmë për atë që secila nga këto foto përfaqëson në të vërtetë. Atëherë do të fillojmë të kuptojmë tmerrin e vërtetë të asaj që do të thotë konflikt. /tesheshi.com/
