Aleksandar Vuçiq, kryeministri i Serbisë, me apo pa leje nga ana e Institucioneve të Kosovës, të dielën do të qëndrojë në veriun e Mitrovicës dhe Kosovës.
Në anën tjetër, zyrtarë të policisë së Kosovës të rajonit veri, të pyetur rreth vizitës së mundshme të Kryeministri të Serbisë në veri të Mitrovicës dhe Kosovës, as nuk kanë pohuar as nuk kanë mohuar për një vizitë të tillë, por kanë theksuar se policia e Kosovës është e gatshme për siguri të çdo qytetari dhe për mysafirët që vijnë në Kosovë.
Portali tesheshi.com, njoftohet vesh se Vuçiq i shoqëruar se paku me dy ministra të tij si dhe me shefin e Zyrës së Qeverisë së Serbisë për Kosovën Marko Gjuriq, të dielën do të qëndrojë në veri të Mitrovicës dhe pikërisht në Zveçan.
Vuçiq në Zveçan, në sallën e Kinos do të takohet me përfaqësuesit e serbëve të Kosovës, qofshin dhe ata të strukturave paralele Serbisë dhe me ata që janë të integruar edhe në institucionet e Kosovës.
Merret vesh se Vuçiq, pas takimit me serbo-kosovarët në Zveçan, do të bëjë përurimin e Qendrës Klinike që do të hapet në Spitalin e qytetit të Mitrovicës në veri, klinikë kjo që është financuar nga Qeveria e Serbisë dhe bashkësia ndërkombëtare.
E tërë vizita e Viçiqit në Kosovë do të shërbejë edhe si fushatë paraelektorale për zgjedhje parlamentare në Serbi që do të mbahen në muajin prill.
Po ashtu, merret vesh se kryeministrin e Serbisë me suharin e tij në veri do ta ruajnë pjesëtarë të xhandarmërisë së Serbi që do të jenë të armatosur deri në dhëmbë.
Në anën tjetër strukturat paralele serbe si dhe kryetarët e 4 komunave në veri të Kosovës kanë marrë masa të rrepta në pastrimin dhe rregullimin e komunave të veriut të Kosovës në prag të vizitës së Kryeministrit të Serbisë.
Po ashtu, strukturat paralele serbë kanë aktivizuar edhe Civilna Zastiten ( cila është shuar e integruar në institucionet e Kosovës në bazë të marrëveshjes së Brukselit) e cila ka bërë ndërrimin e flamujve të leckosur serbe që kanë qenë të vendosur në dy magjistralet e veriut të Kosovës duke i zëvendësuar ata me të rinj.
Civilna Zastita, për dy ditë ka punuar në ndërrimin e këtyre flamujve dhe atë pas njoftimit nga ana e portalit tesheshi.com që një serb i Leposaviqi ka kërkuar nga qeveria e Kosovës që t’i largojë këtë flamuj se po i fyejnë serbët në mënyrë se ata janë shqyer e po qëndrojnë të varur në shtylla të energjisë elektrike.
Portali tesheshi.com, sot ka tentuar që të marrë ndonjë informacion nga ana e qeverisë së Kosovës se ai është dhënë leja për hyrje në Kosovë kryeministrit të Serbisë Aleksandar Vuçiqit, por një gjë e tillë ka qenë e pamundur pasi që telefonat e tyre kanë qenë të mbyllur. /tesheshi.com/
