Spanja ka njoftuar se agjencia e saj në Mesdhe ka grumbulluar rreth 1,200 emigrantë gjatë fundjavës.
Emigrantët u kapën ndërsa nga brigjet afrikane ishin nisur drejt Spanjës me anije, tani portë kryesore për imigracionin e paligjshëm.
“Shërbimi i shpëtimit në det të shtunën dhe të dielën mblodhi 1,181 burra në 30 anije”, tha agjencia në Twitter.
Spanja është shndërruar në pikë kryesore të hyrjes së emigracionit të paligjshëm këtë vit, pasi Italia i mbylli kufijtë e saj nën presionin e ministrit të tij të brendshëm, të së djathtës ekstreme, Mateo Salvini.
Më shumë se 43,000 emigrantë arritën në Spanjë këtë vit, njoftoi Organizata Ndërkombëtare për Migracionin.
Ndërsa më shumë se 1,700 emigrantë kanë vdekur ose janë zhdukur në Mesdhe këtë vit, duke përfshirë 362 në bregdetin e Spanjës, thotë IOM. /tesheshi.com/
